Вучиќ го испрати Орбан без да се ракуваат.

Претседателот на Србија Александар Вучиќ објави денеска на Инстаграм профилот видео на кое се гледа како се поздравува со унгарскиот премиер Виктор Орбан со лактови, а не со дланки.

„До скоро видување драг пријателе“, напиша Вучиќ.

Вучиќ и Орбан разговараа денеска во Белград за билатералните односи, меѓусебната поддршка и солидарност во борбата против коронавирусот, но и за мигрантската криза и процесот на евроинтеграција на Србија.