МЛАДИТЕ ШАХОВСКИ ПРВАЦИ НА СРЕДБА СО ГРАДОНАЧАЛНИКОТ СТОЈАНОСКИ

Денес градоначалникот Јован Стојаноски ги прими младите шахисти од ШК “Ласкер“, кои на Државното поединечнио првенство забележаа одлични резултати. Под водство на менторот Борис Лушески, охридските шахисти освоија две први и едно трето место.

Во категоријата до 8 години првото место го освои Ивана Велковска, а во категоријата до 10 години најуспешен беше Михаил Николоски. Третото место во женска конкуренција (10 години) го освои Емилија Лушеска.

Градоначалникот Стојаноски честитајќи им го успехот на младите шахисти, им посака и во и во иднина достоинствено да го претставуваа Охрид и вети дека локалната самоуправа ќе го помогне функционирањето на клубот и ќе обезбеди оптимални услови за работа на младите шахисти.