Пожар во куќа на улицата „Беќир Али Риза“ во Охрид

Денес околу 13:20 часот во приватна куќа на улицата „Беќир Али Риза“ во Охрид настанал пожар на оџакот, кој потоа се проширил кон кровната конструкција на куќата.

Веднаш по дојавата за појава на пожар, екипи од Територијалната противпожарна единица од Охрид, со две возила се упатиле со цел итна интервенција. Пожарот бил од помал обем, но се проширил и биле испратени дополнителни екипи, посочуваат од охридската пожарна.

Пожарникарите се на терен и делуваат на локализирање на пожарот.

Дополнително ќе се испитуваат причините поради кои настанал пожарот.