Пронајдено телото на 29-годишниот жител по кое се трагаше во водите на езеро Глажња

Претходнa врска: Влегол во езеро па му се изгубило трага: Се бара 30 годишник

Спасувачките тимови вчера попладне во вештачкото езеро Глажња – општина Липково го пронајдоа телото на 29- годишниот локален жител по кого се трагаше неколку дена.

Директорите на Центарот за управување со кризи (ЦУК) и на Дирекцијата за заштита и спасување (ДЗС), Стојанче Ангелов и Беким Максути, денеска беа на терен кај вештачкото езеро.

Во потрагата на момчето кое минатата недела исчезна во водите на вештачкото езеро беа вклучени шест нуркачи од „Тигрите“, осум нуркачи од „Волците“ тимови и нуркари од ДЗС. При потрагата на брегот асистираа и полицајци од СВР Куманово.

-За жал условите и денеска се лоши, видливоста е многу слаба. На само неколку метри од брегот длабочината доаѓа до повеќе од 10 метри за на неколку метри од брегот да има длабочина поголема од 20 метри. Нашите нуркачи се обучени и нуркаат до максимум 40 метри длабочина

-изјави денеска Ангелов.