ВИСОКА ФРАНЦУСКА ДЕЛЕГАЦИЈА ВО ПОСЕТА НА ОХРИД

о чест на посетата на Државниот секретар за поранешни борци и историски настани од  Министерството за одбрана на  Р. Франција, Жан – Марк Тодешини, а на покана на француската амбасадорка во Р. Македонија, нејзината екселенција Лоренс Оер,  градоначалникот Никола Бакрачески  заедно со министерот за Одбрана на Р. Македонија Зоран Јолевски,    присуствуваше на свечена вечера, што   вечерва се организираше во Охрид.

Почесниот гостин од Франција , Жан – Марк Тодешини заедно со неговиот домаќин Министерот Јолевски  утре наутро пред заминување од Охрид  ќе ја посетат црквата Св. Богородица – Перивлепта и Галеријата на икони.

Дводневниот  престој  на Тодешини во Р. Македонија  е дел од неговата посета на земјите од регионот, Грција, Србија и Романија.

Целта на посетата е отпочнување на комеморациите за Источниот фронт како дел од одбележувањето  на сто годишнината  од Првата Светска Војна, каде речиси 70. 000  француски  војници  ги загубиле своите животи.