ЗАПОЧНА САНИРАЊЕТО НА ПОТПОРНИОТ ЅИД НАД МУЗЕЈОТ НА РОБЕВЦИ !

Директорот на Завод и Музеј – Тања Паскали Бунташеска информира дека министерството за култура на Република Македонија овозможило да се реализира проектот и да се изведе новиот потпорен ѕид кој ќе биде заштита на карпата и објектите изградени на горното плато од музејскиот двор. А деновиве кај музејскиот комплекс Робевци започна и реализацијата на проектот

„ Ќе се создадат услови просторот да се осмисли, да се одржуваат изложби на горното плато како што беше наменски предвидено, но со рушењето на ѕидот се пореметија плановите кои ги имавме да поставуваме изложби во летниот период“, вели Паскали Бунташеска.

Колку за потсетување , последниот голем одрон на карпите кој всушност и беше аларм за правење на проектот за санација се случи во февруари 2010 година. Тогаш медиумите напишаа дека бил целосно уништен потпорниот ѕид над лапидариумот, а дел од карпите и камењата се стркалаа дури на улицата „Цар Самоил“.